Betty ana shahada katika Upishi na Usimamizi wa hoteli kutoka  Chuo Kikuu nchini Uganda! Yeye ni kiongozi mwenye talanta, mfanyakazi wa bidii na mama wa watoto watatu.

Dan ni mhitimu wa chuo kikuu cha Bugema katika masomo ya Maendeleo. Yeye ana shauku kwa Yesu na kwa maskini. Anaongoza timu ya Iganga. Anapenda kuwasaidia wengine na kufanya kazi na wengine.

Dan ni kijana mwenye akili kali na moyo unaolenga kufikia! Ana shauku kwa jamii ya viziwi na anataka kuwaona wanajifunza mapishi ya maisha tele. Pia ana jicho makini kwa biashara.

Dk. Mark hufanya kazi  kama Mkurugenzi wa shule ya Kiadventista ya Light  katika Busei Uganda. Amekuwa akijitolea  kwa timu ya FARM STEW  ya Uganda tangu mwanzo na alikuwa wa kwanza kumjulisha Joy kuhusu changamoto zinazowakabili wasichana kutokana na ukosefu wa usafi wa hedhi! Yeye anampenda Mungu na anajitahidi kuwa bora  katika yote ayafanyayo!

Edward Kaweesa hajui siku yake ya kuzaliwa. Yeye na kaka yake mkubwa walilelewa na mama asiye na mume, fundi wa cherehani aliyekuwa amehamia nchi ya Kenya ingawa yeye ni Mganda. Alihudhuria shule ya msingi ya Kiadventista ya Karura. Mama yake alifariki alipokuwa na umri wa miaka kumi na mmoja (11) na baba yake, ambaye alimuona mara tatu tu katika maisha yake, alifariki alipokuwa na umri wa miaka kumi na miwil (12).  Aliendeleza masomo yake katika shule ya upili  kwa kukosa kuhudhuria shule kwa siku mbili kila juma ili kwenda kujitafutia karo na kuhudhuria siku nyingine tatu. Baada ya kuhitimu, alianza kufanya kazi kama mhudumu wa biashara ya mtandao wakati  alipokuwa akisoma katika Chuo Kikuu cha Busoga. Alipata Shahada ya Uandamizi  katika teknolojia ya habari. Alijifunza masomo mengi juu ya uaminifu kwa Mungu wakati wa masomo yake na pia alijifunza kutodharau kazi yoyote ndogo kamwe. Mambo yote yanaweza kufanyika kwa utukufu wa Mungu. Edward anahudumu kama Rais wa FARM STEW Uganda.

Mimi ni Nabirye Eunice, nina umri wa miaka 21. Hapo zamani nilifanya kazi na Hospitali ya New Hope kama mhudumu wa maabara ya matibabu nikifanya kazi na watu. Kushughulika na wagonjwa hunipa furaha, hasa wagonjwa ambao wanaonekana kutokuwa na msaada. Nilifurahia kuwaelezea neno la Mungu ambalo liliwapa matumaini wakati walipoondoka hospitalini. Nilipokuwa bado nikifanya kazi katika Hospitali ya New Hope, niliweza kuingiliana na kiongozi wa timu ya FARM STEW Iganga, Daniel Ibanda, ambaye alinielezea kichocheo cha FARM STEW na hii ilikuwa sehemu iliyonivutia. Alinisababisha kufanya kazi kwa hiari na FARM STEW, hasa nilipokuwa siko katika zamu kazini hospitali. Nilihudumu kwa furaha kwa kujitolea karibu mwaka mmoja. Ninafurahi kwamba sasa nimeajiriwa katika FARM STEW kama mfanyakazi wa kudumu. FARM STEW imenisaidia kubadilisha mtazamo wangu, kwamba ninaweza kufanya mambo yote katika Kristo anitiaye nguvu. Imenisaidia kutimiza ndoto zangu za kuitumikia jamii. Nimeboresheka katika ujuzi wa jinsi ya kuingiza tarakwimu na usimamizi wa nakala. Kama FARM STEW inavyoendelea, nitajaribu kufanya vizuri zaidi.

Gideon Birimuye ni mkufunzi mwenye FARM  STEW Uganda; kampuni tanzu ya FARM STEW ya Kimataifa, ambayo dhamira yake ni kuboresha afya na ustawi wa familia  ndogo za vijijini ulimwenguni kote. Gideon ni mwanachama wa ASI kitengo cha Jinja na pia kwa upande mwengine  ni Mkurugenzi wa Mawasiliano wa Kanisa la SDA la kati laJinja na Maranatha Radio, shirika la vyombo vya habari linayojitahidi kuimarisha na kusukuma tume ya injili ili watu wote wa Mungu waje kuujua ukweli. Mbali na mahusiano yake makubwa ya umma na uzoefu wa masoko, Gideon ni mjasiriamali na kocha wa biashara. Gideon ni mtaalamu wa CCNA aliyethibitishwa kutoka Chuo Kikuu cha Makerere. Alihitimu na tuzo ya heshima  kutoka Chuo Kikuu cha Sayansi na Teknolojia cha Mbarara akiwa na Shahada ya Sayansi katika Uhandisi wa Kompyuta.

Joanitar ni baraka kwa wale wote walio karibu naye. Alianza kazi yake na  FARM STEW kama mhudumu wa kujitolea na kwa haraka alijifanya sehemu muhimu ya timu.

Jonah ni mtaalamu wa maua mwenye shauku kwa watu na miti. Anapenda kuwasaidia watu kupitia kilimo.

Juliet ni wa furaha. Moyo wake ni mkubwa sana na huushirikisha kwa uhuru hasa na jamii yake ya viziwi.

Mpendwa Phionah ni msichana wa ajabu ambaye amenawiri kama mkufunzi wa FARM STEW. Alikuwa yatima kamili katika umri mdogo sana. Unaweza kuona kisa chake cha kuvutia na shangazi yake mpendwa hapa: https://www.youtube.com/watch?v=yuYomKc3C-0 Kukutana na Phionah ni baraka na yeye huangaza upendo wa Yesu kwa wote ambao hukutana naye. Sasa anatumia mshahara wake wa FARM STEW kuwasaidia wavulana wawili yatima.

Robert Lubega ndiye aliyemfanya Joy kutambua kuwa FARM STEW  iliwezekana. Alikuwa wakala wa Ugani wa Kilimo kwa vyama vya ushirika vya wakulima wa eneo hilo nililopangiwa wakati nilipokuwa nikijitolea kwa mpango wa Mkulima kwa Mkulima wa USAID. Alikuwa akihudumu kama mfasiri wangu nilipokuwa nikiendesha madarasa ya lishe na kupika, akihusisha soya na mboga kwa kutumia Biblia kama maandishi yetu ya msingi. Lakini alikuwa zaidi!! Nilipoanza kusema kidogo  aliongoza zaidi ki darasa, matokeo ya jamii yalikuwa mazuri sana. Robert alijifunza haraka sana na hivi karibuni alikuwa akinifundisha ukweli husika kuhusu kilimo! Alifurahishwa hasa na ukweli kwamba, isipokuwa kwa taarifa ambayo ilikuwa ya vitendo na inayotumika mara moja , hatukuwa tukileta chochote kutoka nje ya kijiji. Uwezeshaji wake ulinifanya nitambue kwamba viongozi wa eneo hilo wanaweza kufanya madarasa katika lugha yao yao ya kienyeji na kwa kufanya hivyo kuteka  usikivu na mioyo ya washiriki wa darasa. Ninashukuru kwamba Robert na wanachama wote wanne wa awali wa timu ya FARM STEW Uganda bado wanaendelea na maono! Hapa hapa: https://www.youtube.com/watch?v=-e03Dbt7yTI&t=3s

Steven ni mkufunzi mahiri, mkulima na mjasiriamali. Yeye ni baba wa watoto wanne na kiongozi wa kwaya ya watoto.